كل الأصدارات والنسخ المختلفه من فيستا (Basic , Premium ,Ultimate وغيرها ) وحتى الأكس بي قبله تجي بنسختين : 32bit و64bit او حسب تسميه مايكروسوفت x86 وx64 .
طبعا مع تقدم الهاردوير بشكل كبير الحين ودعم أغلب
المعالجات والمذربوردات ان ما كان كلها لبيئه عمل 64 بت
واللي كانت على نطاق ضيق قبل كذا .. صار نظام تشغيل
64 بت يقدم خيارات واسعه وثانيه لأي مستخدم .
طبعا عشان نختار أحد النظامين على الثاني لازم نعرف
الفروق بينهم وهل راح نستفيد منها او لا ؟!
الفروق بشكل عام ورئيسي بالنقاط التاليه :
متطلبات النظام : ( الحد الأدنى )
32-bit : معالج 1Ghz ورامات بحجم 512 ميقا .
64-bit: معالج 1Ghz داعم للـ (x64) ورامات 1 قيقا ( المستحسن 4 قيقا )
الذاكرة المستخدمه ( الرام ) :
32-bit : أنظمه 32 بت تتعرف على مقدار 4 قيقا من
الرامات بحد أقصى ( وتستخدم حوالي 3.50 -3.75 قيقا منها بشكل أدق حسب كرت الشاشه )
64-bit: تقدر تتعرف على 4 قيقا لنسخه الهوم بيسك ..
و16 قيقا لنسخه الهوم بريميوم وتوصل 128 قيقا وزياده للبزنس والألتميت .
DEP :
أختصار لمنع تنفيذ التعليمات البرمجيه وهي خاصيه أمنيه
أختصار لمنع تنفيذ التعليمات البرمجيه وهي خاصيه أمنيه
تمنع تنفيذ الأوامر البرمجيه .
32-bit : تدعم خاصيه الـ DEP اللي تعتمد على البرامج
مثل الملفات المؤقته وغيرها .
64-bit: تدعم خاصيه الـ DEP اللي تعتمد على الأجهزة (
الهاردوير ) واللي تقوم بمحاوله تشغيل برامج معينه .
Kernel Patch Protection PatchGuard
32-bit : الخاصيه هذي غير متوفره في انظمه 32 بت .
64-bit: خاصيه حمايه الكيرنل او نواه النظام متوفره
بأنظمه 64 بت . وهي خاصيه تمنع البرامج الخبيثه
والمشبوهه من تعديل او تحديث نواه النظام . . سواء
كانت تعاريف او برامج متصله بأحد برامج النظام وخدماته .
Driver signing
وهذي نلاحظها اذا جينا نثبت بعض التعاريف للجهاز او
البرامج يقول لك هذا البرنامج غير موقع رقميا من
مايكروسوفت وممكن يعتبر خطر .
32-bit : أنظمه 32 بت تقدر تثبت تعاريف غير موثوقه او
غير موقعه .
64-bit: تمنع تثبيت أي برنامج غير موقع رقميا او مصادق
عليه من قبل المطور .
الباقي أشياء معروفه تقريبا .. أنه أنظمه 64 بت لها تعاريف مخصصه للأجهزة وتختلف عن 32 بت .. وأنظمه 32 بت تدعم بعض البرامج القديمه 16-bit وال 64 بت ما تدعمها نهائيا .
باقي هنا الأشياء اللي تهم معظم المستخدمين العاديين ..
* طبعا أغلب البرامج اللي تشتغل على 32 بت وهي
الأنظمه المنتشره حاليا تشتغل بدون مشاكل على الـ64
بت ( ما عدا برامج مكافحه الفيروسات وأشباهها اللي
تكون داخله بالنظام بشكل او بآخر ) .
* تعاريف 64 بت للأجهزة غير متوفره بشكل كبير مقارنه بالـ
32 بت .. يعني بشكل عام يكون الجهاز ما يدعم 64 بت .
* أنظمه 64 بت أسرع وافضل بشكل عام من 32 بت ..
وهذا راجع لإداره الذاكره بشكل أفضل فيها وقدره المعالج
على تنفيذ ومعالجه المعلومات بضعف سرعته في الـ32
بت .. سرعه البرامج وغيرها تعتمد على البرنامج نفسه
وهل راح يستفيد من فرق الذاكره او لا وهذا يعني أنه
البرامج الثقيله واللي تتطلب عمليات حسابيه معقده راح
تستفيد منها بشكل أكبر من البرامج العاديه . . ( نفس
سالفه تعدد الأنويه والبرامج الداعمه لها ) .
* بأختصار 64 بت هو مستقبل الأجهزة بشكل عام ..
خاصه مع تطور الستاندرد للأجهزة واللي اغلبها صارت تجي
بـ 4 قيقا رام على طول .. حتى قريت خبر قبل فتره انه 9
من أصل 12 من أفضل مبيعات لابتوبات HP تجي مزوده
بنظام تشغيل 64 بت .
اعلان
